Автор: Goran Sumkoski

Програмска целина – Социјална поткрепа

Од основните програмски цели

1. Социјална, пензиска заштита за секого, ниеден Македонец и семејство нема да бидат оставени сами на себе.
2. Универзален пристап до квалитетна здравствена заштита за секој.

Основна Стратешка Цел

Македонија како социјално праведна држава која во согласност со исконските македонски традиции го негува и подржува заедништвото, помагањето и почитувањето и го гради и подржува социјалното ткиво и социјалната правда како одржливи темели на растот и развојот на македонскиот народ.

Основна Стратешка Цел

Во процесот на исполнување на целта за целосно и креативно ангажирање на целиот македонски човечки потенцијал во реалната економија секој ќе има обезбеден пристап до помош за вработување и финансиски, земјени, стручни и други ресурси за самостојна работа и секој ќе биде подржан во периодите меѓу, до и после работните ангажмани со

Конкретни социјални мерки во согласност со основните цели:

1. Даночни олеснувања за семејствата пропорционално со бројот на родени деца.
2. Породилно отсуство од 12  месеци и бенефициран стаж за мајките со 3 и повеќе деца.
3. 40 часовна работна недела, недела задолжително неработен ден.
4. Воведување на сатница, наместо дневница. Се што е над 40 часови неделно, во согласност на вработениот се вреднува 150%.
5. Воведување на коефициенти на плата за урамнотежување на примањата во целото општество.
6. Пензиски социјални програми, субвенционирање на грижа за возрасни луѓе во пензија.
7. Социјални програми за вработување за луѓе со инвалидитет, пречки во развојот.
8. Програми за работен ангажман на младите уште од 16 годишна возраст во компании кои се дел од нивниот избор на струка со 4 часовен работен ден и субвенционирање од државата.
9. Социјална помош за невработени до моментот на вработување и меѓу вработувањата.
10. Социјална помош за лица трајно неспособни за работа.
11. Минимална државна старосна пензија за сите лица со навршена одредена возраст.
12. Здравствена заштита за секого.

Спроведување

Системот на Социјалната Поткрепа ќе се исполнува со паралелно применување на останатите основни цели:

1. Заштита за семејството (види програмски дел – Заштита на Семејството)
2. Економската политика која ќе обезбедува целосна продуктивна вработеност користејќи го целиот домашен и иселенички Македонски работен и креативен потенцијал (види програмски дел – Економски Насоки и Цели)

Вашите предлози за Програмската Целина – Социјална поткрепа може да ги оставите во коментари подолу, на емаил адресата contact@rodina.org.mk или активно да се вклучите во Родина.

Програмска Целина – Меѓународни односи

Од основните програмски цели

1. Поднесување барање за учество во во сите глобални и регионални ЕвроАзиски интеграции, ЕАЕС, ШОС, Пат на Свилата итн.
2. Поднесување барање за прием под уставно име Република Македонија во ООН.

Стратешки Цели

Геостратешко репозиционирање на Македонија, дипломатско делување, представување и поврзување во полза на долгорочниот развој и стабилност на Македонската Држава.

Мерки за достигнување на целите

• Со најновиот насилен обид да се внесе Македонија во НАТО по цена на губење на името на државата и на идентиетот на Македонскиот народ, Македонија мора да се дистанцира од оваа организација и да го повлече барањето за членство во неа.
• Македонија да поднесе итно барање за членство во ЕвроАзискиот Економски Сојуз – ЕАЕС и во Шангајската Организација за Соработка – ШОС.
• Македонија итно да ја ефектуира одлуката на Судот на Правдата во Хаг и да побара членство под уставното име во Обединетите Нации.
• Македонија ќе ја проширува стратешката соработка со сите клучни светски и регионални сили, Русија, Кина, Турција, БРИКС, Новиот Пат на Свилата, Пат и Појас, и поврзување и вмрежување во постојните и новите светски транспортни, информатички, трговски и енергетски коридори.
• Во соседството ќе започнеме процеси на преговори за воспоставување на регион со еднакви права и обврски кон малцинствата во секоја од земјите.
• Ревизија на македонските дипломатски представништва и нивно реструктиурање во согласност со идните потреби.
• Ревизија на персоналниот состав во МНР и сите амбасади и представништва.
• Отворање дипломатска школа во рамките на МНР водена од искусен и патриотски дипломатски кадар низ чија обука ќе поминат сите сегашни и идни дипломати.

Спроведување

• (Родина ќе ги почне овие активности како врвен приоритет на новиот парламент, влада и други инситуиции за веднаш официјално да постапат по сите овие барања. Да се доработи детален Геостратешки Документ во рамките на усвоените основни програмски цели и во согласност со Македонска Доктрина)
• Македонските Меѓународни Односи ќе се исполнуваат централизирано од владата и министерствата под надзор на Претседателот на Републиката и со општествен надзор на работата на министерствата преку народни општествени совети од граѓани избрани од народот.

Македонските Меѓународни Односи ќе се исполнуваат со паралелно применување на останатите основни цели

• Македонскиот државен и политички систем се заснова на Македонска Доктрина и Национална Стратегија на Развој на државно уредување базирана на древниот вековен опит и во склад со новите светски општествено-државни и геостратешки хоризонти кои се оцртуваат и ќе го заменат неолибералниот глобалистички светски поредок кој се распаѓа и заминува во историјата. (види програмски дел – Политички Систем)
• Економската политика која ќе обезбедува целосна продуктивна вработеност користејќи го целиот домашен и иселенички Македонски работен и креативен потенцијал (види програмски дел – Државна Администрација.

Вашите предлози за Програмската Целина – Меѓународни односи може да ги оставите во коментари подолу, на емаил адресата contact@rodina.org.mk или активно да се вклучите во Родина.

Програмскa целинa – Државна Администрација

Од основните програмски цели

1.Прочистување на сите Македонски институции и администрација од кадар лојален на туѓи интереси.

Основна Стратешка Цел

Ефикасна и способна државна администрација со професионален менталитет на слуга на граѓаните и претпријатијата и нејзино драстично смалување и централизирање по сите министерства и воведување модерни методи на управување.

Мерки за постигнувањето на основните цели

• Државни агенции и институции – Укинување на сите агенции и институции чии ингеренции се веќе дуплираат со ингеренциите на соодветните министерства.
• Јавни претпријатија – Намалување на одвишниот персонал во државните и локалните јавни претпријатија.
• Локална администрација – Укинување на одвишните ингеренции на општините и нивен премин во надлежност на државните министерства и драстично смалување на персоналот.
• Вклучување на 2.000 Македонци професионалци од иселениците за реструктуирање на државната администрација и нејзино намалување и осовременување.
• Преквалификација и пренасочување во реалната економија и приватниот сектор, услуги, производство, земјоделство, сточарство, туризам, информатика.
• Промена на менталитетот на државната администрација од позиција на сила во позиција на сервис на граѓаните и реалниот економски сектор.
• Администрација која одговорно го троши секој денар народни пари, транспарентна и отчетна пред народот.
• Еднаков пристап до јавните и државните работни места за сите граѓани на Македонија по вредносен систем единствено заснован на стручност и компетентност.
• Департизирана администрација и точно дефинирање на политичките позиции кои се пополнуваат со промена на власт.
• Намалување на непотребните трошоци на државната и локална администрација кои не се во функција на сервис на граѓаните.
• Воведување на систем со точно дефинирани работни места и нивен фиксиран број во државната и локална администрација како и јавните претпријатија.
• Укинување на многу непотребни раководни позиции, драстично намалување на непотребните трошоци на преостанатите раководни лица, нивниот луксуз, возен парк, репрезентација.

Спроведување

Реформата на Македонската Државна Администрација ќе се спроведува централизирано од владата и министерствата под надзор на Претседателот на Републиката и со општествен надзор на работата на министерствата преку народни општествени совети од граѓани избрани од народот.

Спроведување Координирано со

Реформата на Македонската Државна Администрација ќе се исполнува со паралелно применување на останатите основни цели:

• Социјална, пензиска и здравствена заштита за секого, ниеден Македонец и семејство нема да бидат оставени сами на себе (види програмски дел – Социјална поткрепа)
• Економската политика која ќе обезбедува целосна продуктивна вработеност користејќи го целиот домашен и иселенички Македонски работен и креативен потенцијал (види програмски дел – Економски Насоки и Цели)

Програмска целина – Политички систем

Од основните програмски цели

1. Поднесување барање за прием под уставно име Република Македонија во ООН.
2. Спроведување на АСНОМ-скиот и духот на Уставот од 1991ва во сите законско-регулативни акти и во сите национални и општински институции.
3. Поништување на сите закони и меѓународни договори донесени од нелегитимните анти-уставни, пучистички и самонаречени собрание и влада од 27ми Април 2017 наваму.
4. Поништување на Пржинските и Охридскиот договор и сите последици произлезени од нив.
5. Враќање на законот за локална самоуправа од пред 2004та година.
6. Поништување на регистрацијата на сите политички партии и ре-регистрација само на оние чии програми не се косат со Уставот на Република Македонија од 1991.
7. Одземање и повторно објавување конкурс за лиценци на сите медиуми.
8. Поништување на регистрацијата и дозволата за работа на сите НВО финансирани со странски средства.
9. Укинување на сите нелегално издадени Македонски државјанства незаконски доделени од политички причини од 1991 наваму.
10. Спречување доселување и легализирање на мигранти во Република Македонија, издавање пасоши на сите Македонци од светот и доделување земја за нивно враќање во татковината.
11. Прочистување на сите Македонски Институции од кадар лојален на туѓи интереси.
12. Забрана за учество во политика со повеќе од два мандати за секого, а општа забрана за учество во политика и вршење јавни функции на амнестирани и аболицирани лица вмешани во био каков криминал  и отворање на процес со судско -правна разврска и конфискација на имотот на корумпираните нелегитимни елити.

Основни Стратешки Цели

• Македонија е организирана како Република со Претседателски систем каде никој нема право да ги менува уставните темели на Македонија како држава на македонскиот народ.
• Македонскиот државен и политички систем се заснова на Македонска Доктрина и Национална Стратегија на Развој на државно уредување базирана на древниот вековен опит и во склад со новите светски општествено-државни и геостратешки хоризонти кои се оцртуваат и ќе го заменат неолибералниот глобалистички светски поредок кој се распаѓа и заминува во историјата.

Политички Систем

Претседател – Македонија ја раководи претседател кој се избира на рок од 5 години, најмногу на два мандати и на основа на програма за развој на Македонија во тој мандат а во согласност со долгорочната Македонска Доктрина и Националната Стратегија на Развој. Претседателот именува Влада која ја спроведува неговата програма и која во секој момент може да ја промени. Претседателот ја представува Република Македонија во странство и е Командант на Македонските Вооружени и Полициски сили.

Влада – Владата на Република Македонија е назначена од Претседателот на Македонија и е составена од Премиер и Министри кои ги назначува Претседателот. Владата, Премиерот и секое министерство работи на спроведување во дело на програмата на Претседателот за што редовно се отчитува пред народот, собранието и Претседателот.

Општествени совети – со надзорна, консултативна и советодавна улога, составени од обични граѓани на Република Македонија професионалци од таа и други слични сфери ангажирани на про-боно основа  која ќе ја зголеми транспарентноста и пред кои, секое министерство и јавни институции ќе мора да се одчитува за минатата работа, тековните и планираните работи.

Собрание – Собранието има главна улога да го усогласува законодавството да биде во функција на спроведувањето на програмата на Престедателот и развојот на Република Македонија и се состои од 60 пратеници избирани на рок од 5 години избрани во една изборна единица која ја опфаќа целата територија на државата и максимум еден изборен мандат и предложени од политички партии или од група од 100 граѓани.

Политички партии – Регистрација на политички партии е дозволена само врз економска основа а не врз национална или идеолошка. Политичка партија се регистрира со 100 пристапници.

Судство – Професионално, патриотско и некорумпирано судство.

Уставен Суд – Назначен од Претседателот на Република Македонија со цел да ги брани темелните принципи на уставот на Република Македонија.

Политички мерки во согласност со основните цели

• Поништување на Охридскиот и Пржинските договори како вонуставни и нелегитимни и престанување на дејствата на сите вонинституционални и анти-уставни решенија произлезени од нив!
• Поништување на Преспанскиот договор
•  Целосно отфрлање на Тиранската платформа!
•  Поништување на договорот со Бугарија!
• Прекинување на преговорите за името со Грција и барање за прием во ОН под уставното име Република Македонија а врз основа на одлуката на Меѓународниот Суд во Хаг!
• Пре-регистрација на сите политички партии, невладини организации и здруженија на граѓани и забрана на работа на сите тие кои имаат анти-уставни програми или дејствија
• Забрана на делување на странски организации страна чии програмски цели и дејствија се анти-уставни и забрана на финансирање од нивна страна на домашни агенти!
• Забрана на финансирање од странство на домашни организации и медиуми од извори чија цел е ширење туѓа анти-македонска пропаганда на политичка, национална и верска основа!
• Задолжително користење на Македонскиот јазик како официјален во сите национални и општински установи и органи на власт со задолжителен тест на знаење на вработените!
• Задолжителна употреба на Македонското знаме како официјално во сите национални и општински установи, институиции и органи на власт со казна за непочитување!
• Забрана за ширење на меѓунационална и верска омраза вклучително и забрана на работа и влез во земјата на вахабистички оџи спонзорирани од странство!
• Попис на населението според меѓународна статистичка методологија!

Спроведување

Македонскиот политички систем ќе се реформира централизирано од Претседателот, владата и министерствата со општествен надзор на работата на министерствата преку народни општествени совети од граѓани избрани од народот.

Вашите предлози за Програмската Целина – Политички систем може да ги оставите во коментари подолу, на емаил адресата contact@rodina.org.mk или активно да се вклучите во Родина.